【英文補習】2022全港18區中小學英文補習社推薦﹕英文補習DSE攻略

英文補習邊個好？

香港學生競爭大唔洗講，DSE一試定生死絕對係不容有失！特別作為主科之一、大部份大學都會睇重嘅英文科就更加係重點中嘅重點！所以，如果覺得日校老師平時嘅教學唔夠仔細，出去再搵英文補習亦係唔少同學嘅選擇。

目前如果要搵英文補習，最主要有三個途徑﹕大型連鎖補習社、中小型地區補習社同私補英文。呢三種補習途徑都各有利弊，小編就幫大家整理左三種補習方式各自嘅優劣之處以及推薦名單，幫助大家搵到最適合自己嘅英文補習方式。

大型連鎖補習社

自從近年香港補習成風之後，愈來愈多嘅大型連鎖補習社，例如現代、英皇、遵理等等，開到成行成市，吸引唔少高中學生報讀。

大型連鎖補習社嘅資源龐大，每個老師資歷高、經驗老不特止，背後仲有一大班教學團隊支援，因此學生能夠得到嘅課後支援，例如範文、練習、筆記、改卷服務等相關配套都非常之多。

另外，大型連鎖補習社嘅「補習名師」大多都會針對普遍學生弱點以及考試需求而建立自己嘅一套教學方法同模式，因此係教學內容方面大多都會比學校更加「Exam-Oriented」，能夠找出普遍學生考試低分的原因並加以針對性訓練。

不過，大型連鎖補習社的缺點其實亦相當明顯﹕老師與學生距離極大。大型連鎖補習社嘅上堂模式一般分為現場班同video班，前者只有一班，其餘所有課堂都係video班，亦即係學生去補習其實都係隔住個mon上堂、單方面吸收，老師無法亦不會得知每個同學嘅學習困難同程度，自然難以提供個人化嘅指導，針對性地幫助學生進步。另外，補習名師嘅課堂一般都收費不菲，除常規課程外更會推出各種extra classes（Grammar班、作文班等等），學生如果想全面學習，所花費用絕對係非常龐大；而為左吸引你繼續報讀，容易出現「忍手唔教哂」、「dum波鍾」等情況。

英文補習社推薦

除左開到成行成市嘅大型連鎖補習社之外，其實香港各區仲有好多口碑唔錯、教學質素有保證嘅中小型地區補習社。佢地當中可能有啲係連鎖式經營、除左本校之外仲有其他分校，但規模同大型連鎖補習社就遠遠不能相比，運作模式亦都唔一樣。

中小型地區補習社規模較細，資源亦較少，宣傳力度難以同大型連鎖補習社相比，但唔代表佢地的質素會較差。事實上，相比起大型連鎖補習社嘅「最多5**報讀」、「最強補習老師」等等的宣傳，中小型地區補習社更加紮實、基本上都係靠係用家之間建立口碑、一傳十、十傳百咁宣傳出去，因此基本上出得名嘅中小型補習社，實力同教學質素都有一定程度嘅保證同「用家推薦」。

另外，通常中小型補習社所教嘅內容和方法都同大型連鎖補習社唔一樣，當大部份人都用補習名師所教嘅「連鎖技巧」應試時，如果你能夠掌握第二種答題方式，相對上就會比較突出、亦可能會較易取得好成績。

不過，雖然中小型補習社每一班嘅規模較細（多數只開一班現場班，唔會有咩video班，導師直接教學），但導師同樣需要照顧數十人的學習進度，難以像私補般提供個人化指導；另外，中小型補習社資源亦較少，學生能夠拿取嘅notes、範文合集等等額外資源亦當然會較大型補習社少。

英文私補

要補英文，除左搵補習社之外，其實私人補習亦都係一個唔錯嘅方法﹕

優點﹕

1. 個人化指導，導師完全按學生需要設計課程內容
2. 上課時間、地點靈活，完全由雙方協議，亦可要求上門補習
3. 能夠更好跟進學生學習進度
4. 可要求額外課堂練習及考試前「加鍾」上堂
5. 較易建立良好師生關係，在術科以外給予學生更多指導（eg. 生活上、學習上）

不過，私補亦都有相當嘅缺點，例如價錢較貴、難以保證導師質素、網上平台繁多等等。因此，要搵一個好嘅私補老師有好多野需要考慮，你又識唔識揀？又知唔知價？

其中一個尋找英文私補的方法，就係AmazingTalker啦！AmazingTalker有幾個特點：

1. 量身打造課程

2. 彈性學習方式

3. 大量練習應用
4. 教師把關進度

AmazingTalker 累積超過 1215883 名學生的學習紀錄，提供小學英語、DSE英語等課程。AmazingTalker 可以滿足你既所有需求，並提供最即時的學生評價回饋數據，供您參考選擇。
>>>>> 如果對小學英文有興趣，不妨點呢條link：小學英文

>>>>> 如果對DSE英文有與趣，不妨點呢條link：DSE英文

自學英文

雖然話DSE英文考試好著重技巧，但所謂嘅考試技巧其實都只係錦上添花，講到尾最重要嘅始終都係學生本身嘅英文能力。舉一個最簡單嘅例子，即使你掌握左點樣係文章入面快速搵到題目需要嘅論點同答案，但如果你本身連果個英文單字都睇唔明嘅時候，咁就算你知道點樣搵佢出黎又有咩用呢？

所以，想考好英文DSE，最緊要嘅都係提升自己嘅英文能力；而要提升自己嘅英文能力，自學絕對係最快嘅其中一個方法！比如話，你可以係手機download定幾個英文學習APP，每當你搭車、等人、冇野做嘅時候就拎出黎睇下，日積月累之下絕對可以令你嘅英文詞彙量增加不少！你亦可以學習6大自學英文技巧，或者參考以下影片，由今日起努力學英文！

Today is always the best day to start learning english !

除左補習同增加英文能力之外，你亦都需要一個最適合自己嘅DSE英文準備策略！

中學英文補習名師

英文補習名師推薦

P chan好唔好

Patrick Chan — 「P. Chan」既名頭可以話係中學英文補習界入面最響亮的其中一個，早幾年佢由現代「轉會」加入遵理嘅新聞更加係「洗哂版」；幾乎每個想搵英文補習的中學生都會聽過佢個名，而遵理亦都以「全港公認最有實力的英文名師」去為p. chan做宣傳，設有S.3-S.5三級課程。

Patrick Chan的教學方法是以擴大學生的英文生字量同培養語感為主，由根本上改善學生的閱讀同寫作能力，從而全方位得到進步。因此，係patrick chan的課堂入面會以教Vocab / Phrase為主，每堂都會透過寫作範文去教學生大量的生字同片語，同時亦會有一定數量嘅閱讀練習，教大家點樣去讀通讀透一篇文章同點樣搵答案。亦都因為咁，P.Chan嘅學生如果真係想自己嘅英文成績有進步，係課堂以外都需要花唔少時間去溫習同消化佢嘅notes，而亦都要補返一年半載，學生嘅英文成績先會有顯著進步。

換句話講，係呢個非常講求考試技巧嘅DSE英文考試入面，P.Chan著重教授嘅並唔係任何考試技巧，而係實實在在咁改善你嘅英文能力。與此同時，P.Chan上堂教嘅生字同片語都需要學生有一定底子先可以理解同運用，所以如果已經係中五、底子比較差嘅同學想極速補底考DSE，P.Chan未必會係你嘅First Choice；但係如果同學嘅英文底子本身已經有Level 4，P.Chan絕對可以幫你衝上5、甚至5**，而且你學到嘅野將會幫你一世！

價錢方面，P.Chan嘅收費係大約HKD$700 / 4堂，每堂90分鍾，一個禮拜一堂；每堂都會有一份新notes，入面會除左有5**寫作範文外亦有reading同writing嘅練習，作完文之後可以交文比TA改。P.Chan係網上幾乎係零負評，吹水講廢話嘅時間甚少，口碑甚好。

適合以下同學﹕

長補培養語感（最少一年）、已有一定根基想衝星

不適合以下同學﹕

底子較差、想係短時間內英文有進步

 點擊查看P Chan課程章程

Calvin sun 好唔好

Calvin Sun係英文補習界嘅知名度可以話係僅次於p.chan，由ALevel 時代開始已經有一定嘅出名程度，一直到而家DSE時代都仍然屹立不倒，可見佢確係有一定程度嘅實力，同P.Chan可以話係一時瑜亮。Calvin Sun現時屬於現代教育旗下，計有S.4-S.6三級課程。

同Patrick Chan相反，Calvin Sun係以教授考試技巧而出名，現代教育亦都係官網宣傳佢嘅「句構學」、「命題法」同「Logic Line Analysis」，雖然就咁聽未必聽得明，但係聽落去就已經好勁！事實上，Calvin Sun嘅課堂亦係以教授呢啲應試技巧為主，例如針對Reading卷佢會教你點樣拆句、點樣透過拆句去理解一句句子嘅Grammar結構、繼而點樣快啲係文章度搵到題目需要嘅答案；針對Writing卷佢會利用好多5**寫作範文去教writing style、思路同structure等等。

由於Calvin Sun係講解答題技巧之餘亦會拆解唔同嘅grammar rules，因此亦都非常適合底子比較差（Level 2-3）嘅同學去補一補底。另外係配套支援方面，Calvin Sun係提供Past paper練習之後仲會有詳細嘅講解服務，部份額外小冊子亦都係屢獲好評。

不過相對黎講，一啲英文底子比較好嘅同學，上Calvin Sun堂學到嘅野就未必可以學到好多野，最多都只係會學到多啲應試技巧，但長期黎講對於提升英文能力幫助不大；亦都有不少前學員表示，Calvin Sun對於Listening卷嘅教學明顯較少，最多只係教下學生點樣係段錄音度搵point。價錢方面，Calvin Sun嘅收費大約係600蚊4堂，較為相宜。

最後一點，Calvin Sun嘅課堂出名氣氛輕鬆笑位多，相信CS本人都係個好玩得嘅人，2011年佢仲搵左張敬軒去做CALVIN SUN CHRISTMAS PARTY嘅嘉賓，仲自彈自唱添！

適合以下同學﹕

底子較差、想係短時間內英文有進步

不適合以下同學﹕

長補、底子好想改善英文能力

 點擊查看Calvin Sun課程章程

Kenneth lau 好唔好？

Kenneth Lau 現時隸屬於遵理旗下，係英文補習界入面亦都算係個老牌教師，好早已經成名，而佢係網絡上嘅評價亦都非常兩極。

Kenneth Lau其中一個最出名嘅地方係佢所提供嘅配套教材非常之全面，除左本身嘅課堂notes之外，亦都會再送好多各式各樣唔同功能嘅「天書」，例如extra exercise、vocab bank、mock exam等等，甚至有時仲會送英文報紙，基本上每個學生上完堂都會「滿載而歸」。Kenneth Lau另一個出名嘅地方在於佢開辦嘅「Advanced Sentence Structures」，entence Structures」，好詳細咁解釋英文一啲基本文法同句子結構嘅原則，唔少前學員都話好有用，非常適合本身英文底子差嘅同學仔（Level 2 /3）。

係教學內容方面，Kenneth Lau會比較偏重於講解英文而唔係應試技巧，比例大概係7﹕3（7成講解英文，3成講技巧）。不過，亦都因為呢個原因，加上大量嘅配套教材，有唔少人都覺得Kenneth Lau嘅課堂缺乏焦點，雖然想全方位教授英文，但最後就變左東講一忽、西講一忽，每個point都唔能夠講得太深入，而且咁多配套教材入面亦都有唔少係根本上堂嘅時候講唔切，需要學生自修，而堂堂overrun更是常態。

總括黎講，小編認為Kenneth Lau比較適合一啲底子較差而又願意花長時間去改善自己英文嘅同學，但對於底子較好、想學skills速成嘅同學就未必適合。

價錢方面，Kenneth Lau嘅收費係大約HKD$700 / 4堂，每堂75分鍾。

適合以下同學﹕

底子較差想長時間補底（Level 1/ 2）

不適合以下同學﹕

底子較差想長時間補底（Level 1/ 2）

 點擊查看Kenneth Lau課程章程

Billy ng 好唔好？

相比起P.Chan同Calvin Sun呢兩個傳統英文補習名宿，Billy Ng算係近幾年先至冒起嘅新秀，係網上亦有好多人討論。Billy Ng現時隸屬於英皇教育，設有S.4-S.6三級課程。

Billy Ng最為出名嘅一點係佢標榜自己課程做「100% Exam-oriented English」，課堂內容以教授應試技巧為主，獨創「英文科無敵屈機框架拆題大法」(Super Framework)，並且針對4份分卷都有相對應嘅答題技巧同答題思路。事實上，有唔少前學員都表示Billy Ng上堂教嘅答題技巧同思路都幫到佢地唔少，可以係考試嘅時候用返出黎，係課堂內容方面比較充實同有用。

係配套支援方面，Billy Ng嘅課程亦都出名係多野送，包括大量範文、Idiom Bank、Mock Exam等等，亦都有免費改文服務，除左會改卷2 Writing之外仲會改Paper 3 嘅Integrated Task。價錢方面，Billy Ng嘅課程大概係HKD$700/4堂；而除左常規課程外，佢仲有開好多唔同嘅技巧班，如果全部補哂負擔可能會比較重。

Billy Ng上堂嘅其中一個特色係上堂節奏會比較快，如果底比較差少少嘅同學可能會跟得有啲辛苦；而佢課堂上教嘅技巧，亦都需要同學花時間去吸引同消化。

適合﹕中六同學極速學考試技巧

不適合﹕想打好英文基礎嘅低年級同學

適合以下同學﹕

中六同學極速學考試技巧

不適合以下同學﹕

想打好英文基礎嘅低年級同學

 點擊查看Billy Ng課程章程

小學英文補習

小學英文補習社推薦

其實唔單只臨考Dse嘅高中生需要補習，初中生甚至小學生都需要搵英文補習，因為﹕

1. 小學打好英文根基（例如文法、拼音），上到中學可以更快地學好英文
2. 小學至初中補習一般都會提供功課輔導，鞏固學生課堂所學外亦可督促他們完成作業
3. 小學至初中補習班時間一般較長（約從下午4時至7時），適合需要工作至晚上的家長

咁小學英文補習要點樣搵呢？上面介紹嘅四大補習名師教嘅都係新高中DSE英文，適合中三至中六嘅同學仔；如果大家係想搵適合低年班學生或者小學生補習嘅話，地區嘅小型補習社絕對會比大型連鎖補習社更好，原因有﹕

1. 價格較為相宜
2. 課堂程度適合，通常會按學生日校所學內容而安排
3. 能夠同老師有更多接觸、提供個人化指導
4. 小班制，老師對小朋友可以更好照顧

因此，以下就為大家整理左各區知名度較高嘅中小學英文補習班推薦﹕

天水圍補習社邊間好

天慧補習社	耀廣場一樓L123號鋪	3166 1797
天詠補習中心	天水圍天華路30號地下25號	2253 0308
日月思教育中心	天水圍嘉湖銀座第2期2樓207A舖	3401 9701
恆進教育中心	天瑞路77號天澤商場302號鋪	3401 1126

屯門補習社邊間好

力臻教育	屯門湖翠路2號美樂花園地鋪53號/青海圍18號置樂花園地下14及16號	6620 1871
風穎教育	屯門柏麗廣場, L2 二樓, 223舖	3543 5726
升望補習社	屯門屯喜路2號柏麗廣場1樓157號鋪	2448 1318

沙田補習社邊間好

致臻研習社	沙田源順圍28號都會廣場6樓6,7,15,21-22室	2635 1201
摯學補習中心	沙田 花園城3期商場2樓6號舖	2686 9060
學習加油站	沙田第一城得利街11座地下B	2637 0622
學斯教育	沙田石門安群街1號京瑞廣場2期5樓H室	2319 0880

灣仔補習社邊間好

思湯達教育中心	灣仔莊士敦道124-128號台山中心2樓全層	3996 7508
聖利路補習社	灣仔灣仔道113-117號	2577 1717
思銳世界補習中心	灣仔巴路士街1-3號百營商業大廈6樓	2116 3115
鼎峰補習中心	灣仔皇后大道東145號恆山中心6樓全層	2111 3029
飛揚教育中心（灣仔）	灣仔道185號康樂商業大廈5樓501室	2295 0186

深水埗補習社邊間好

KM 教育	深水埗南昌街188號華麗購物廣場 1樓22室	5113 8389
Monkeyland	深水埗長沙灣道233-239號惠康大廈2樓B室	9412 3943
旭日補習學校	深水埗西邨路19號南昌薈1樓F114號舖	2267 4399
Panz 班’z補習社	青山道76號西九龍商務中心1 樓105舖	69086912
祖布斯教育中心	長沙灣道266-268號昌發商業大廈7樓701-704室	3487 8335

油尖旺補習社邊間好

進妍教育	旺角太子道西 162 號華邦商業中心 1009-10 室	5440 0855
優綽補習中心	九龍佐敦柯士甸道１５號百達行１樓１０２室	2736 3772
恩賢教育中心	彌敦道518-520號 彌敦行2樓	3421 0332
ABC Pathway	紅磡黃埔花園11期地下25號	2110 9995

大埔補習社邊間好

星藝教育	大埔普益街25號	2635 1201
Crisyland English Learning Centre	新界大埔汀角路美新里3號華安樓A,B座地下	2665 0628
增學教育	大埔安慈路翠屏花園商場L2-9H鋪	9643 1435
數研恆學教育中心	大埔廣場A1,A2及A3號舖商場二樓	2664 6800
A教育	A28 (接待處)A11 A49 聚龍閣 大埔廣場	6238 1641

東區補習社邊間好

思才學習中心	柴灣柴灣道111號東港城商場167號舖	2889 2790
瀚然補習中心	柴灣道345號金源商場1樓34 & 35號	2505 5471
蔚藍教育中心（杏花）	杏花邨杏花新城186-187號舖	2558 6060
重之光補習社	西灣河筲箕灣道68號西灣河中心401室	2885 6121

黃大仙補習社邊間好

高思課程	蒲崗村道33號百利軒1樓全層	2321 8230
壹加壹教育中心	啟德花園購物商場地下9號鋪	2246 8850
陳老師英語教室	黃大仙龍翔道110號	6169 5547
驕陽教育中心	黃大仙竹園廣場二樓S213-214號商鋪	2321 8840
薈晉教育中心	牛池灣瓊東街嘉峰臺商場 3-4號舖	3153 2697
超研教育	九龍黃大仙鳳德村鳳德商場銀鳳樓２４１－２４２號舖	2899 2330

觀塘補習社邊間好

鄭SIR補習社	觀塘協和街	9775 4718
約書亞教育中心	觀塘開源道九龍觀塘興業街１號駱駝漆中心３０８室	2244 6256
天天學習教育中心	觀塘嘉樂街16號	2344 2227
ABC Pathway	觀塘茶果嶺道88號麗港城商場2字樓S3A舖	2110 9299

九龍城補習社邊間好

薈學坊	九龍城太子道西348-352號	3198 9988
綠草地教育中心	九龍城太子道西360號恒生九龍城大廈2樓A室	2699 0700
EDFLOW LEARNING CENTER	九龍城獅子石道獅子石道1號	2736 6699
EAC Hong Kong	九龍城太子道西360號恆生大廈5樓	2794 0851
維森補習學校	九龍土瓜灣九龍城道62號龍祥閣1樓B室	2330 4088

元朗補習社邊間好

啟哲教育	元朗鳳攸北街2-6號永富閣地下18A鋪	2944 3633
傑靈學術研習中心	元朗安樂路基達中心(近大榮華酒樓)	6239 3903
達峯教育中心	元朗壽富街55號元朗中心 802號鋪	5975 7455

上水粉嶺補習社邊間好

新世紀碩士教室	粉嶺一鳴路15號碧湖花園商場地下G-10號舖	2683 0710
學成軒教育中心	粉嶺一鳴路23號牽晴間購物廣場G27A	2256 4613
藍天成長教育中心	粉嶺聯和墟和睦路9號海聯廣場1樓128 號	34887128

荃灣補習社邊間好

Edlab 匯文教室	荃灣大河道99號99廣場3樓01室	3620 3251
南豐補習社	荃灣青山公路264-298號南豐中心842室	98569523
雋毅補習中心	荃灣大河道９９號一樓全層﹑三樓01室及５樓全層99廣場	2416 3169
A1教室	荃灣禾笛街31號瑞月樓1樓	3597 6291

葵青補習社邊間好

高思考學習中心	葵涌葵興路100號葵涌中心商場一樓	3595 2145
大進學習中心	葵涌新界葵涌盛芳街７號葵芳商業中心７樓４室	3160 8720
潛能教育中心	葵芳廣場地下10號鋪	2618 9822

將軍澳補習社邊間好

朗日教育中心	將軍澳寶林邨寶勤樓３１２及３１３號舖	3525 1092
數研啓迪教育中心	將軍澳運亨路1號新都城一期地下 G81 及 93 號舖	3520 2540
EduSmart育才精英教育中心	將軍澳唐德街1號將軍澳廣場2座樓2-067號舖	2780 5688